dara tekê..
"heya nîya bî..
ayan u beyan o kê nîya bî.. par u perar nu hewn bî.. zımıstan u amnanî de nu..
nıka ancîya raya a dara tekê.. ya xızır.. ez her roce bız u bızekan dıma na raye
do çend serrîyo.. zana kê endî thalîya.. kes çîno.. yenî-menî yî çîno.. nêzon
ke çı mana vecîrî nî hewnî ra..
"nê daye tu
naye re sê vana?"
reyna veng da zernê,
"nê daye tu ça gos nıdana nî hewne mı ser?"
destê xo sanay ra mawe,
demdîye çe vıstewrîye xo ser.. yînan ra ber kes çînî bî endî.. juyo nêm çe mand
bi mezra ra dıma.. baxo teyna.. çena teyna.. lac teyna.. pî, bêxeber...
weey... aye kokımî
ara pîne.. mêxecelî.. endî zaf xo ser
nîye..
a waxt bî, taye sımeya
may ra şî xeyale zernê ra, serm kerd, deste xo thurîk te çîye ser şî..
"sodıre amnanî
ke ze perocîyo va, nıka ra bî germ va.."
bız u bızekî dayî are
raya dara tekê ser şîye. şiye, xobe xo vacîye, nu sene germo nıka ra, teeww..
hewnê mı kê bıvecîyîne
nıka oca de ju yenî bîyîne, awe bîyîne, nat u dot ke wêbîyîne, nêzon kê.. u
xort.. u xorto cherî ke oca de bîyîne, nê..
ya xızır tu est a..
de tenêna herbî şîme..
şîya dare homa honıka..bıze
kî maxe der dorîbî ye. çıme zernê nat u dote xo ser çerexîay hama veng u vac çînî
bî.. uskıtiya.. tenına xo xo de xulî bîye ancîya, qarîye, vacîye... heya nu ca,
caye hewnê mıno, darekê a dara tek a.. hama yenî çîno, kêwî çîno.. cher?
ya xızır tu esta kê est
a..
şîya dare de nîşte ro,
peşta xo saneye dare ancîya hurdî hurdî norne.. teynayîna
vat, bêheval u bêkayi ya.. teynayîn ze sıftiya xızıri ya.. heni bi,,ya.. waxt verd
tici biye berz.. ya germi ra ya ki tecele xora araq da zernê.. biye bêzar,
teselî xo şikiya gıran gıran hewnî ser şiye... tenêna tepîya caye ra veng
îşîye pe.. naskerdox nêbî.. hurîna xora nêlewîye.. terse.. tenêna bî ancîya veng
ama.. anciya xoser nêguret, henî temîyan de mande. letê hewn de, letê xoser, ma
nu çıko nîya, a huu?
dorme de kes
nêaseno. qayt bena hama thaba nêvînena.. reyna ke yi vengi işiye pe, wıyy,
vışiye.. sas biye mand e.. pelgî dare zerefîne.. terse, xof ama ser.. ya xızır..ya xızır ..
“meterse, vereka mı,
meterse.. heya tu mı re thaba nêvat, nêva.. meterse, tu stare mı de ra.. tu
masum u paka, aye ra to de yeno juwan..
“mı bêzarîya to dîye,
venge to îşîyo pe, aye ra.. “
(…)
verınd bi: verd ra şî..
“heya, dewrê cemedîye
ra nat ma eyta dîme, vatıne pîlanema,
vereka mı, ej î rınd nêzon nîyabî-nêbî hama qale pîlane ma bî; derg u
derg zımıstananî ra verayme, vatene, amayîme xo ser, heya, a serd de ma pîya lercayme,
jubînan re xo vesnayme.. deme vesanîye de ma weşîya xo bare kerdıne... çendn eslêma,
pîl u qıcema, tewr u thur, vas u velg, hes u verg pero pîya ma têarede weşîya xo
ramıtene.. çend hazar serrîyo kê rêça jubînan de ma na şîya zerreweşîye de
amêne têare, berbeyne ma herme jubînan de, lax u mobet kerdîne têlewe de, ma têhetî
de..
“nee.. nee, a waxt
hona kes çîne bî sıma ra.. bado amay.. amay hama rınd amay: bıtorcîna amay,
bıadıra amay, teww... hetê ra bırnay hetê ra vesnay..dıma bî, tewr u thur per ra
şî, mar u mılawunan cîya şî, awe kê mıradîye, xorîye xo ser şîye,..
“heya, usarî ke
amêne..usar, ma perunan re amêne, usar de mê şênîye bî, chepe mara chemê xızırî
derbaz bîye nete celêxo ser şîyene..ma a waxt amenê sıtî, mîraze mîrî u dermanê
dırbetî bîyine, teeww.. hîra bîye sewe, sewla asme bukî ser bîyene..tewrî darıstan
de, zaw u zec sene ware de amene têare..teew, se şênîye bî, se..
verınd bî: verd ra şî...”
"heya, wa u
werazayî, bıra u bırazayî, ded u derezayî amay qelfe qelfe şî.. sayır u xıdıre sımay
îkê dıma.. dîna tenêna bîye kêm.. çeyî bêcîran, mezelî bêmeyît mandî.. çel u çuk qurfîya aze u uze xora, hewa arbî..
heware ma hefîze ma nibî;
rêw u herî ra nat nu pers bî; ça.. ça…
"asmen ça bêhewr,
waréy ça bêtewr mandî, nêzana vereka mı; ça caye re xebera xêre nêna, nê zana..
ma nê vana kam bîyaro a xebera xêr e.. qılancîkî est bî.. koké yînanî ard,
teeww.. ju be ju kîştî, berdî, çebere axıle ser de dare kerdî.. ça.. henî zanıtênê
ke chor malî nêkuno.. fekî vergî gırîdîno, teeww.. îsanîye xora ber heqa keşî
nas nêkerde kê na dîna de, xezeb bî.. xezeb.."
"ça ez nîy ateyna
mandonê.. nee, naye mı ra pers meke vereka mı, meke..
"to pesa mı de
bîyapîl, şîya mı de şîya hewn.. tu jukeka.. zelal u delala.. zerre tu mı re
aseno.. aye ra eskera bene nu sır: to yî nejdî de yena şemîga azabîye, gerego fam
bıkere.. ya kî vaci ejî ze to ju cher î pîno eyta de, ben o.. cheré mı, vaci ke
done ju qılancıke de yeno lızgane mı ser, nêbeno... say bıke kê nu yî îqraro de
bîn o. zana, îqrar çiyo gıran o, çerangé çe xatırî yo.. se ke zewtî sere decî
de, sondî vere adırî de yene peser, zerreweşîye ke çe iqrari ca cena..
“teynayine, nê..
“teynayîne zerre xo
ser demdîyna vereka mı, henî ya.. heni.. a rira tu keykenî bız u bızekane xo
ana der u dorme mı, a waxt ez ze çe veyvîyo.. çeniyo.. hama sekon kê her ca palaxo,
rut u repal o.. wazon kê kırameta duzgı mı dest bo, taye pelgî mı bere war,
cayokê gınay ce kewî bo, bızekan re vas, to re gulu sosın bo.. hama nê mı de
nakı ra mete estanêyî kê...
"vabo vereka mı,
vabo.. hama bızane kê na endî mınet a; se kene bıke reçı kê mıradîya şî na cara,
çıkê vîndbî şî herden i dewreşî ra, pero peyser bere, têhet de caye xo bîcere ancîya..
ze deme verên şenîye bo, şenîye... na mınete mı re emanet a..
"emaneta kamîya
vana, nê.. ye usuvî ya.. usıv..
a waxt bî; vıradîye
kort a suré ra vayo de hersên tera bî, ze tewtî..
a waxt bî; pelgî dare peru pîya zerefîaya ncîya.. veng
da dare, tenêna be nejdîye mı, pesê xoya ke va, têne xof şi zernê ser hama şîye
u pese xo kerd ya, a waxt dare ju balîye rısne phıstıne xora.. zernê ancîya sas
bîye, deme balîyo nîyo hama reşta.. kırameta..
tersena kê emenat
a..
a waxt vıle xo sıkna,
khele xo bırna zernê, dare ra xatır waşt u xêr weşîye vat, xêrweşîye..
“ez dara usuvî yo..
pırde zerre weşîyo…
mehmet çetin,
Hiç yorum yok:
Yorum Gönder